Termiz davlat universitetida Surxondaryo viloyati Yoshlar ishlari boshqarmasi tashabbusi bilan “Millat ziyosi: Ayol-qizlar forumi” hamda “Qizlar akademiyasi” platformasining targ‘ibot tadbiri yuqori saviyada tashkil etildi.
Forum qizlar uchun o‘z salohiyatini namoyon etish, yangi maqsadlar sari intilish va tajriba almashish imkonini beruvchi muhim maydonga aylandi. Tadbirda turli sohalarda muvaffaqiyatga erishgan yetuk ayollar o‘z hayotiy tajribalari, sinovlardan o‘tish yo‘llari va muvaffaqiyat sirlari bilan o‘rtoqlashdilar.
Ushbu uchrashuv ishtirokchi qizlarda o‘ziga ishonchni mustahkamlash, katta maqsadlar qo‘yish va yangi marralarni zabt etishga bo‘lgan intilishni kuchaytirdi.
