100 qatnovga mo‘ljallangan

Mustaqillik ulug‘ ne’mat. Ushbu Sana munosabati bilan aholi uchun kutilmagan tuhfalar hozirlangan. Sana munosabati bilan qator bino va inshootlar qurilib, foydalanishga topshirilayotir. Boysun tumanida ham 3 ta mahalla fuqarolar yig‘ini aholisiga xizmat ko‘rsatuvchi oilaviy poliklinika qurib foydalanishga topshirildi.
Tumandagi “Bibishirin” mahallasida joylashgan  9-sonli oilaviy poliklinikasining zamonaviy 100 qatnovga mo‘ljallangan yangi binosi aholi uchun qurib foydalanishga topshirildi.
1996-yilda loyiha asosida Davlat byudjeti hisobidan Qishloq vrachlik punkti sifatida viloyatda birinchi bo‘lib qurilgan, 50 qatnovga mo‘ljallangan poliklinika moslashtirilgan binoga faoliyat olib borar edi. Aholi sonining ortishi, mutaxassislar bilan ta’minot yaxshilanganligi sababli ambulator qatnovlar salmog‘i kun sayin oshib, tibbiy xizmat ko‘rsatishda ayrim muammolar va ko‘plab murojaatlarga sabab bo‘ldi. Bugun yurtboshimiz tomonidan olib borilayotgan islohotlar tufayli ushbu mahallada 2 qavatli yangi zamonaviy tibbiyot binosi qad ko‘tardi. Ushbu oilaviy poliklinika mamlakatimiz mustaqilligining 33 yillik bayramiga mahalla ahli uchun munosib tuhfa bo‘ldi.