Sud — qonun yo‘li bilan adolat o‘rnatiladigan kuch-qudrat va vakolatga ega tizim. Ayni shu sababdanmi, kelajakda kasb tanlaydiganlar ayni sud tizimida ishlashni orzu qilishadi. “30 iyun – Yoshlar kuni” munosabati bilan yurtimiz bo‘ylab o‘tkazilayotgan yoshlar oyligi doirasida o‘z taqdiriga befarq bo‘lmagan yoshlar Bandixon tuman sudiga tashrif buyurdilar. U yerda Respublika Ma’naviyat va ma’rifat markazi «Ma’rifat» targ‘ibotchilar jamiyati, O‘zbekiston davlat san’at va madaniyat instituti, Bandixon tuman ma’sullari ishtirokida “Mening qonunim – mening taqdirim” mavzusida ochiq muloqot tashkil etildi.
Tuman sudi raisi Murotali Abdumo‘minov mamlakatimizda keyingi yillarda sud hokimiyatining mustaqilligini amalda ta’minlash, odil sudlov sifati va samaradorligini oshirish, sudlarning ochiqligi va shaffofligiga erishish bo‘yicha tumanda olib borilgan keng ko‘lamli islohotlar haqida fikr bildirdi. Shuningdek, tuman sudi raisi «Ma’rifat» targ‘ibotchilariga sudning faoliyati, sud binosidagi shart-sharoitlar va imkoniyat bilan tanishtirib, kerakli tushuntirish berib o‘tdi.
Ochiq muloqot so‘nggida sud raisi tomonidan mamlakatimizda sud-huquq sohasida doir qonunchiligimizdagi o‘zgartirish hamda qo‘shimchalar yuzasidan ma’lumotlar berildi.
