Yoshlar siyosati va sport boshqarmasiga yangi rahbar tayinlandi

To‘raboyev Bekzod Saitqulovich Surxondaryo viloyati yoshlar siyosati va sport boshqarmasi boshlig‘i etib tayinlandi.
B.To‘raboyev 1984-yilda Termiz shahrida tug‘ilgan. 2007-yil Ichki ishlar vazirligi akademiyasi, 2013-yil O‘zbekiston davlat jismoniy tarbiya institutini tamomlagan. Ma’lumoti bo‘yicha mutaxassisligi – huquqshunos, sport faoliyati, dzyudo.
U faoliyati davomida ichki ishlar organlari, xususiy sektor, sport maktablari va sport federatsiyalarida turli lavozimlarda mehnat qilgan.
Tayinlovga qadar 2019-yildan buyon Toshkent oliy sport mahorati maktabining dzyudo sport turi treneri vazifasida faoliyat yuritib kelayotgan edi.