Angor tumanining “Bahor” mahallasi ahli yerga ekin ekib, ko‘kartirishni, bu bilan ro‘zg‘orini butlab, ortiqchasini sotishni, daromad orttirishni istaydi. Ammo, afsuski buning imkoni yo‘qligidan qiynalishadi. Sababi mahallada yashovchi 70 ta xo‘jalikni qiynab keluvchi masala oqava suv muammosidir. Bu muammo bir yoki bir necha yillik emas, naqd 23 yildan buyon mavjud.
Bahorliklarning dilidagi tiliga chiqib, axiyri tuman hokimligiga murojaat qilishdi. Ushbu holat esa mas’ullar tomonidan o‘rganib chiqildi va ijobiy hal etiladigan bo‘ldi. Tuman hokimi, sektor rahbarlari hamda keng jamoatchilik vakillari ishtirokida yangi nasos o‘rnatilib, ishga tushirib berildi.
Qarabsizki, qishloqqa obi hayot keldi. Bundan esa mahalliy aholining quvonchi cheksiz. Endi ular ham dehqonchilik qilishadi, ekin ekib, daromad manbaiga ega bo‘lishadi.
S.Davlatova
