Surxondaryolik pillakorlar respublikada birinchi

Surxondaryolik pillakorlar bu yil ham mavsumni shijoat va g‘ayrat bilan boshlagan edilar. Tajribali, ilg‘or pillakorlarimiz esa munosib rag‘batlantirilib borilgani ham sir emas. Bu esa soha mehnatkashlarini yanada ruhlantirdimi yoki tajriba o‘z natijasini ko‘rsatdimi, xullas mirishkor pillakorlarimiz 33 ming 794 quti ipak qurtidan 1 ming 960 tonnadan ortiq “kumush tola” hosilini yig‘ib, respublikada birinchilardan bo‘lib, shartnoma rejasini bajarishdi, hatto ortig‘i bilan.
Pillakorlarning sa’y-harakatlari va mashaqqatli mehnatlari sabab har bir qutidan o‘rtacha 58 kilogramm hosil olinishiga erishildi. Bunda yangi, serhosil, voha iqlim sharoitlariga mos bo‘lgan mahalliy navlarning parvarishlangani yuqori hosildorlik garovi bo‘ldi. Natijada eng ilg‘or pillakorlarimiz bir qutidan 90 kilogrammgacha hosil olishga erishishdi.
Viloyatdagi qabul punktlariga pilla hosilini topshirish jarayonlari hali-hamon davom etayotir.