Zo‘rg‘a ro‘zg‘or tebratib, uy-joyini ta’mirlashga, boshqa ehtiyojlarini qondirishga imkoni yetmayotgan oilalar ham yo‘q emas. Bunga esa sabablar bisyor, ijtimoiy himoyaga muhtojlik, nogironlik… bunday oilalar esa e’tibordan chetda emas. Birinchi qadam sifatida Angor tumanida mas’ullar tomonidan aholining muammolarini aniqlash va bartaraf etish maqsadida “xonadonbay” o‘rganish ishlari olib borildi. Shundan so‘ng, ijtimoiy himoyaga muhtoj, nogironligi bo‘lgan xonadonlar ro‘yxati shakllantirildi.
Natijada esa aniqlagan 12 nafar ijtimoiy himoyaga muhtoj, oilasida nogironligi bo‘lgan ayollarning yashash uylari ta’mirlab beriladigan bo‘ldi. Buning uchun 256 million so‘m mablag‘ ajratildi. Ayni paytda esa ushbu xonadonlarda ta’mirlash ishlari boshlab yuborilgan. Xotin-qizlarni tinglab, ko‘ngliga qo‘l solib, muammolarini bartaraf etayotgan mas’ullardan xonadon egalari mamnun.
H.Baxtiyorova
