Yosh organizmning rivojlanishi uchun sifatli ovqatlanish juda muhim. Vitamin yetishmovchiligi diqqatni susaytirishi bilan birga boshqa ko‘plab kasalliklarga, muammolarga eshik ochishini yaxshi bilamiz. Shu sababdan ham farzandlarimizni to‘g‘ri ovqatlantirishga harakat qilamiz. Xolbuki, maktabgacha va maktab ta’limida ham bu borada katta e’tibor berilishi kerakki, ta’lim-tarbiyaning sifatli amlaga oshirilishi ham shu masalaga uzviq bog‘liq.
Surxondaryo viloyati maktabgacha va maktab taʼlimi boshqarmasida viloyatdagi shahar va tuman maktabgacha va maktab ta’limi bo‘limlarining masʼul xodimlari uchun tashkil etilgan seminar ayni mavzuga qaratildi. Seminar davomida joriy yilning 23-mart kuni Adliya vazirligida roʻyxatdan oʻtkazilgan “Maktabgacha taʼlim tashkilotlarida tarbiyalanayotgan bolalarning xavfsiz va sifatli ovqatlanishiga oid gigiyena talablari”ga kiritilgan oʻzgartirish va qoʻshimchalar toʻgʻrisida hamda Vazirlar Mahkamasining 2019-yil 25-iyundagi 626-sonli qarorining ijrosi boʻyicha tushunchalar berildi.
Yakunda esa ishtirokchilarning endilikda amalga oshirishi lozim boʻlgan vazifalari belgilab berildi.
S.Davlatova
