Mutolaa yangi va noyob fikrlar tug‘ilishiga yordam beradi, fikrlashga chorlaydi. Ba’zan, orzularimiz ham biz o‘qigan, xursand qilgan kitob bilan bog‘liq bo‘ladi. Inson o‘qish orqali yangi fikrlar va yorqin g‘oyalar oladi. Inson o‘zi bilmagan holda ilhomlanib o‘qishi, yangi va o‘zgacha fikrlar yuzaga kelishiga turtki beradi.
Oltinsoy tumanidagi Tog‘ay Murod mahallasi markazida Respublika Ma’naviyat va ma’rifat markazi Oltinsoy
tuman bo‘linmasi va 43-maktab jamoasi bilan hamkorlikda yoshlarni bo‘sh vaqtini mazmunli tashkil etish va ular o‘rtasida kitobxonlikni oshirish maqsadida “Mushoira va kitobxonlik” kechasi amalga oshirildi.
Unda 43-maktab o‘quvchilari o‘rtasida kitobxonlikni oshirishga qaratilgan she’rxonlik, kitobxonlik, bahru bayt va boshqa yo‘nalishlarda bellashuvlar bo‘lib o‘tdi.
Tadbir yakunida tashabbuskorlik va faollik bilan ishtirok etganlar tuman Ma’naviyat va ma’rifat bo‘linmasi rahbari tomonidan faxriy yorliq va kitoblar bilan taqdirlandi.
Haqgo‘y
