Ta’lim sifatli bo‘lishi uchun o‘qituvchi-pedagoglar bilim-salohiyatli, mahoratli bo‘lishi talab etiladi. Ayniqsa, bunday mahorat, chet tillari fani o‘qituvchilari faoliyatida juda muhim. Sababi til o‘rganish murakkab jarayon. Avvalo o‘quvchini qiziqtira olishi, saboqlariga e’tiborini jalb eta oladigan metodlardan foydalanmog‘I yaxshi natija beradi. O‘qituvchi ishini, dars jarayonlarini nazorat etib borilishi esa pedagogni yanada sergaklantirib, ishiga bo‘lgan mas’uliyatni bir necha barobar oshirishi ham bor gap.
Xo‘sh, qanday qilib, o‘quvchini fanga qiziqtirish, yuqori natijalarga erishish mumkin? Ana shunday savollarga faoliyat davomida javob izlash muhim. Sho‘rchi tumanida tashkil etilgan matbuot anjumanida ta’lim tizimidagi muhim masalalar muhokama etildi.
Matbuot anjumani davomida tumandagi umumtaʼlim maktablaridagi shart-sharoitlar, o‘quvchi-yoshlarning fanlarga bo‘lgan qiziqishi, o‘qituvchi-pedagoglarning taʼlim sifati va samaradorligini oshirish borasidagi yutuqlari va yo‘l qo‘yilayotgan kamchiliklar xususida so‘z yuritildi.
E’tirof etish kerakki, umumtaʼlim maktablarida faoliyat yuritayotgan ustozlarning 71 nafari ingliz, 68 nafari esa rus tilidan sertifikatlar olishgan.
H.Baxtiyorova
