Savob ishni har kim har kuni qilmog‘i lozim. Ayniqsa, xayrlar mana shunday anomal sovuq kunlarida amalga oshirilsa, ikki karra ezgulik ulashgan bo‘lamiz. To‘g‘ri-da, mana shunday sharoitda qaysidir oilaning ro‘zg‘orida kemtigi bordir. Nimagadir muhtojdir. Bizning kimlar uchundir arzimas tuyilgan yordamimiz, ularning mushkulini oson qilar. Denov tumani “Qoʻzichog‘li” mahallasi yoshlar yetakchisi Abdushukur Yuldashev tashabbus ko‘rsatdi.
Yoshlar ishlari agentligi Surxondaryo viloyat boshqarmasi bilan hamkorlikda mahalladagi kam taʼminlangan hamda imkoniyati cheklangan oila farzandlariga oziq-ovqat mahsulotlari yetkazib berdi.
Bu bilan kimnidir maqtab, olqishlardan yiroqmiz. Shunchaki, mana shunday savobli ishlar har birimizga ibrat bo‘lsin va o‘zimizdan ortib, o‘zgalarga ham yordam qo‘lini cho‘zishni odat qilaylik. Bugungidek ob-havo sharoiti esa fursat kelganini ko‘rsatayotgandek…
Sohibjamol
