Toshkent shahrida o‘tkazilgan “InnoWeek.Uz-2022” xalqaro innovatsion g‘oyalar haftaligida Termiz davlat universiteti tomonidan tuzilgan delegatsiya ham ishtirok etdi. Haftalik doirasida Termiz davlat universiteti bilan Turkiya Respublikasining Istanbul tijorat universiteti o‘zaro do‘stlik, madaniy va maʼrifiy aloqalarni rivojlantirish hamda ikki muassasa o‘rtasida hamkorlikni yo‘lga qo‘yish bo‘yicha memorandum imzolandi.
Memorandumga ko‘ra taʼlim dasturlari orqali axborot va tajriba almashish imkoniyati tug‘ildi. Har ikki oliygoh professor-o‘qituvchilari, akademik bo‘lmagan xodimlar uchun qisqa va uzoq muddatli almashinuv dasturlari tashkil etiladi. Shuningdek, til o‘qituvchilari almashinuvi yo‘lga qo‘yiladi, onlayn o‘quv mashg‘ulotlari tashkil etiladi. Ayni masalalarda ham istiqbolli hamkorlik shartnomalari imzolandi.
Hilol
