Termiz davlat universitetining 8-sonli talabalar turar joyida shahar Favqulodda vaziyatlar bo‘limining 1-, 2- va 3-qutqaruv qismlari hamda hamkor tashkilotlar ishtirokida amaliy mashg‘ulot o‘tkazildi.
Unda yong‘in va boshqa favqulodda vaziyatlarda tezkor harakatlanish, talabalarni xavfsiz hududga evakuatsiya qilish bo‘yicha mashqlar bajarildi. Talabalarga yong‘in xavfsizligi qoidalari va xavfli vaziyatlarda sarosimaga tushmasdan harakatlanish tartibi tushuntirildi.
Mashg‘ulotlar talabalarining favqulodda vaziyatlarda o‘zini tutish va xavfsizlik choralariga rioya qilish borasidagi amaliy ko‘nikmalarini mustahkamlashga qaratildi.
