Qumqo‘rg‘on tumani Obodonlashtirish bo‘limi xodimlari tomonidan xalqaro M41 avtomobil yo‘li va temir yo‘l yoqalarida keng ko‘lamli obodonlashtirish hamda sanitariya ishlari olib borilmoqda.
Ishlar davomida yo‘l chetlari begona o‘tlardan tozalanib, chiqindilar yig‘ishtirilmoqda, yashil hududlar tartibga keltirilmoqda va hududlarning sanitariya holati yaxshilanmoqda.
Mazkur tadbirlar nafaqat hududning ozodaligini ta’minlash, balki ekologik muhitni yaxshilash, yo‘l infratuzilmasining estetik qiyofasini saqlash hamda tuman hududiga kirib kelayotgan fuqarolar va mehmonlarda ijobiy taassurot uyg‘otishga xizmat qilmoqda.
