Uzun tumanida mahalla bankerlari ko‘magida aholini tadbirkorlikka jalb etish va biznes tashabbuslarini qo‘llab-quvvatlash bo‘yicha tizimli ishlar davom etmoqda.
Jumladan, Uzun qishloq mahallasidagi “Xurramov Asilbek” oilaviy korxonasiga PQ–312-sonli qaror asosida Agrobank ATB tomonidan 100 million so‘m imtiyozli kredit ajratildi. Mablag‘ korxonaning ishlab chiqarish quvvatini kengaytirish va faoliyatini rivojlantirishga yo‘naltirildi.
Shuningdek, Chaqar mahallasida yashovchi Muhtor Shag‘dorov mahalla bankeri ko‘magida “Mahalla” loyihasi doirasida Agrobank ATBdan 50 million so‘m kredit olib, xonadonida chorvachilik faoliyatini yo‘lga qo‘ydi.
Bunday loyihalar aholining bandligini ta’minlash, oilaviy tadbirkorlikni rivojlantirish va mahallalarda barqaror daromad manbalarini yaratishda muhim omil bo‘lib xizmat qilmoqda.
