Yangi tadbirkorlik subyektlarining ishga tushirilishi nafaqat iqtisodiy faollik va bandlikni oshiradi, balki jamiyatda saxovat va mehr-oqibat kabi ezgu qadriyatlarning yanada mustahkamlanishiga ham xizmat qiladi.
Angor tumanining Yangi turmush mahallasida bunyod etilgan “Baxt qasri” tantanalar saroyi tantanali ravishda foydalanishga topshirildi. Tadbirkor tashabbusi bilan amalga oshirilgan loyiha doirasida yangi ish o‘rinlari yaratilib, mahalliy aholi bandligini ta’minlash uchun qo‘shimcha imkoniyatlar yaratildi.
Ochilish marosimi munosabati bilan “Ijtimoiy reyestr”da ro‘yxatda turgan 10 nafar bola uchun sunnat to‘yi tashkil etildi. Bu esa yangi maskan faoliyatini xayrli va savobli ish bilan boshlab, tadbirkorlikning ijtimoiy mas’uliyatini amalda namoyon etdi.
Mazkur loyiha hududda xizmat ko‘rsatish sohasini rivojlantirish, yangi ish o‘rinlari yaratish hamda jamiyatda mehr-oqibat va saxovat muhitini yanada mustahkamlashga xizmat qiladi.
