Yozgi ta’til har bir bola uchun mazmunli hordiq chiqarish, sog‘lom dam olish va unutilmas taassurotlar orttirish imkoniyati bo‘lishi kerak. Shu maqsadda ijtimoiy ko‘makka muhtoj oilalar farzandlarining ham ta’tilni mazmunli o‘tkazishiga alohida e’tibor qaratilmoqda.
Angor tumanida “Ijtimoiy reyestr”da ro‘yxatda turgan oilalarning 50 nafar farzandi Sherobod tumanidagi “Vandob beshbuloq” sog‘lomlashtirish oromgohiga tantanali ravishda kuzatildi.
Mazkur tashabbus bolalarning sog‘lom dam olishi, mazmunli hordiq chiqarishi, yangi do‘stlar orttirishi hamda foydali mashg‘ulotlar orqali yozgi ta’tilni samarali o‘tkazishiga xizmat qiladi. Bu kabi ezgu ishlar har bir bolaning baxtli bolalik va sog‘lom ulg‘ayishiga qaratilgan e’tiborning yana bir amaliy ifodasidir.
