Yoshlarning fikr va tashabbuslarini qo‘llab-quvvatlash, ularning harbiy-vatanparvarlik ruhini mustahkamlash maqsadida Termiz garnizonida navbatdagi ochiq muloqot tashkil etildi.
Janubi-g‘arbiy maxsus harbiy okrug tasarrufidagi Termiz garnizonida joylashgan harbiy qismda o‘tkazilgan uchrashuvda Surxondaryo viloyati prokurori Baxtiyor Bobojonov hamda Janubiy operativ qo‘mondonligi boshlig‘i, polkovnik Mirsaid Shukurov yoshlar bilan samimiy suhbat qurdi.
Muloqot davomida yoshlarning murojaatlari, taklif va tashabbuslari tinglanib, ayrim masalalar joyida hal etildi, qo‘shimcha o‘rganishni talab qiladigan murojaatlar yuzasidan mutasaddilarga tegishli topshiriqlar berildi.
Shuningdek, ishtirokchilar harbiy qismda yaratilgan sharoitlar, zamonaviy qurol-aslaha namunalari, kutubxona va muzey faoliyati bilan tanishib, harbiy xizmatning mazmun-mohiyati haqida yaqindan tasavvurga ega bo‘ldilar.
