Andijon viloyatida Karate WKF yo‘nalishi bo‘yicha o‘tkazilgan O‘zbekiston chempionatida Uzun tumani Bolalar va o‘smirlar sport maktabi qoshidagi “Zubayir” karate klubi sportchilari munosib natijalarni qayd etdi.
Musobaqada ishtirok etgan 12 nafar sportchining 7 nafari sovrindorlar safidan joy olib, tumanning sport salohiyati va yosh karatechilarning puxta tayyorgarligini yana bir bor namoyon etdi.
Chempionatda Islomova Munisa, Karimova Mubina va Allamurodov Nurmuhammad oltin medalni qo‘lga kiritgan bo‘lsa, Olimjonov Sardorbek kumush, Nazaraliyev Muhammadali, Qalandarov Muhammad hamda Erkinov Madamin bronza medallariga sazovor bo‘ldi.
Yosh sportchilarning ushbu muvaffaqiyati nafaqat Uzun tumani, balki viloyat sporti rivoji uchun ham muhim yutuq bo‘lib, kelajakda xalqaro maydonlarda yurtimiz sharafini munosib himoya qiladigan iste’dodlar safi kengayib borayotganidan dalolat beradi.
