O‘zbekiston jurnalistika va ommaviy kommunikatsiyalar universitetida Surxondaryo viloyati hamda shahar-tuman hokimliklari axborot xizmati rahbarlari uchun malaka oshirish kurslari tashkil etildi.
Uch kunlik o‘quv dasturi davomida ishtirokchilar davlat kommunikatsiyasi, PR, krizis kommunikatsiyasi, faktcheking, reputatsiyani boshqarish va zamonaviy media bilan ishlash bo‘yicha amaliy bilimlarini mustahkamlamoqda.
Interaktiv treninglar shaklida o‘tayotgan kurslar axborot xizmatlari faoliyatini yanada samarali yo‘lga qo‘yish, davlat organlari va jamoatchilik o‘rtasidagi ochiq, tezkor hamda ishonchli muloqotni kuchaytirishga xizmat qilishi bilan ahamiyatlidir.
