Yoshlar o‘rtasida kitobxonlik madaniyatini rivojlantirish, mutolaa orqali ularning intellektual va ma’naviy salohiyatini yuksaltirish maqsadida o‘tkazilayotgan “Kitob sovg‘a” aksiyasi doirasida navbatdagi uchrashuv tashkil etildi.
Tadbirda Termiz shahar hokimi o‘rinbosari Ashurov Kamol Musurmonqulovich hamda Bilim va malakalarni baholash agentligi Surxondaryo viloyati bo‘limi boshlig‘i Karimov Yoqub yoshlar bilan uchrashib, o‘zlari mutolaa qilgan va hayotiy tajribalarida muhim o‘rin tutgan kitoblarni sovg‘a qildilar.
Uchrashuv davomida kitoblarning mazmuni, ularning inson kamoloti va muvaffaqiyatga erishishdagi o‘rni haqida samimiy fikr almashildi. Bunday tashabbuslar yoshlar orasida mutolaa madaniyatini mustahkamlash, kitobga mehr uyg‘otish hamda bilimli avlodni tarbiyalashda muhim ahamiyat kasb etadi.
