Prezidentimiz tashabbusi va Saudiya Arabistoni bilan hamkorlikda yaratilgan imkoniyatlar tufayli minglab vatandoshlarimiz “Haj” safariga borish baxtiga musharraf bo‘lishmoqda. Hukumatimiz tomonidan ular uchun barcha shart-sharoitlar yaratilmoqda.
Xususan, Sariosiyo tumanida bo‘lajak hojilarni “Haj” safariga kuzatish tadbiri bo‘lib o‘tdi. Unda tuman hokimi Odiljon Yaqubov ishtirok etib, muborak safarga otlangan sariosiyoliklarga oq yo‘l tiladi.
Yurtimizda yildan yilga “Haj” ziyoratiga boruvchi fuqarolarimiz uchun qulayliklar va sharoitlar yanada yaxshilanib, O‘zbekistonliklar uchun ajratilgan kvotalar soni ham ortib bormoqda. Xususan, bu yil 111 nafar fuqaro muborak safarga yo‘l oldi.
Nuroniylarimiz davlatimiz tomonidan diniy sohada, xususan, Muborak “Haj” safarini ado etish uchun yaratilayotgan sharoitlar uchun minnatdorchilik bildirishdi. Safar oldidan o‘tkazilgan tadbirda diniy ulamolar, nuroniylar, safarga otlangan otaxonu-onaxonlar hamda tadbir ishtirokchilari yurt tinchligi va farovonligi, ziyoratchilarimizning safarlari bexatar bo‘lishini so‘rab duoga qo‘l ochishdi.
