Prezidentimizning Surxondaryo viloyatiga tashrifi chog‘ida belgilangan topshiriqlar ijrosi doirasida 103 kilometr uzunlikdagi “Qumqo‘rg‘on–Quduqli” temir yo‘l uchastkasini elektrlashtirish ishlari jadal davom etmoqda.
Hozirda hududdan o‘tgan temir yo‘l qismida sel oqimlari ta’sirida yuzaga keladigan muammolarni bartaraf etish maqsadida suv o‘tkazuvchi quvurlar ta’mirlanib, ularning o‘tkazuvchanligi yaxshilanmoqda. Shuningdek, maxsus texnikalar yordamida beton tayanch ustunlar o‘rnatilmoqda.
Mazkur loyiha yuk va yo‘lovchi tashish samaradorligini oshirish, temir yo‘l infratuzilmasini modernizatsiya qilish hamda hududning iqtisodiy rivojlanishiga xizmat qilishi bilan ahamiyatlidir. Elektrlashtirish ishlari natijasida kelgusida qatnovlar yanada tezkor va xavfsiz bo‘lishi kutilmoqda.
