Sport maydonlarida erishilayotgan yutuqlar yoshlarning qat’iyati, muntazam mehnati va yurtimizda sportga qaratilayotgan e’tibor samarasi hisoblanadi. Ayniqsa, milliy kurash bo‘yicha qo‘lga kiritilgan natijalar yosh avlodning jismoniy va ma’naviy salohiyatini namoyon etadi.
Andijon viloyatida o‘tkazilgan O‘zbekiston chempionatida Sherobod tumani sport maktabi sportchi-o‘quvchisi Ravshanov Jahongir sportning kurash turi bo‘yicha muvaffaqiyatli ishtirok etib, faxrli 1-o‘rinni, Qumqo‘rg‘on tuman sport maktabining iqtidorli sportchisi Boymatov Bexruz 3-o‘rinni qo‘lga kiritdi.
Yosh sportchilarning ushbu yutuqlari viloyat sporti rivojlanib borayotganining yana bir yorqin ifodasi bo‘ldi.
