Yoshlar o‘rtasida sog‘lom turmush tarzini targ‘ib qilish, ularning jismoniy va ma’naviy salohiyatini oshirishda sport musobaqalarining o‘rni beqiyos. Shu maqsadda universitetlar o‘rtasida “To‘maris izdoshlari” sport musobaqasiga start berildi.
Musobaqa yuqori saviyada tashkil etilib, ishtirokchilar to‘rt yo‘nalish bo‘yicha o‘z mahoratini sinovdan o‘tkazdi. Xususan, jamoalarni tanishtirish, sport bellashuvlari (yugurish, estafeta, darts va kamondan o‘q otish), birinchi tibbiy yordam ko‘rsatish hamda velosiped poygasi shartlari asosida qizg‘in bahslar bo‘lib o‘tdi. Har bir jamoa nafaqat jismoniy tayyorgarligini, balki bilim va jamoaviylik ko‘nikmalarini ham namoyish etdi.
Yakuniy natijalarga ko‘ra, Termiz davlat universiteti jamoasi faxrli 1-o‘rinni egallab, respublika bosqichiga yo‘llanmani qo‘lga kiritdi.
Mazkur musobaqa yoshlarni sportga keng jalb etish, ularni jamoaviylik va vatanparvarlik ruhida tarbiyalash bilan birga, sog‘lom va faol avlodni shakllantirishda muhim ahamiyat kasb etadi.
