Angor tumanida aholiga sifatli tibbiy xizmat ko‘rsatishni yanada yaxshilash maqsadida zamonaviy xususiy klinika ishga tushirildi. Tibbiyot muassasasi zamonaviy diagnostika va davolash uskunalari bilan jihozlangan.
Ochilish marosimida tuman hokimi Qosim Mardonov ishtirok etib, ushbu loyiha aholi salomatligini mustahkamlash va tibbiy xizmatlar sifatini oshirishda muhim ahamiyat kasb etishini ta’kidladi. Shuningdek, tadbirkorlar tashabbusini qo‘llab-quvvatlash doimiy e’tiborda bo‘lishi qayd etildi.
Mazkur klinikaning ishga tushirilishi tumanda sog‘liqni saqlash tizimini rivojlantirish, aholiga qulay tibbiy xizmatlarni yaqinlashtirish hamda yangi ish o‘rinlarini yaratishga xizmat qiladi.
