Prezident farmoniga ko‘ra, muammoli kreditlarni undirish ishlari endi ixtisoslashtirilgan davlat ijrochilariga topshiriladi va qo‘shimcha 400 ta shtat ajratiladi. Tizim tijorat banklari mablag‘lari hisobidan moliyalashtiriladi, ijrochilar soni esa Bosh prokuratura qarori bilan belgilanadi.
Shu bilan birga, Majburiy ijro byurosi va Markaziy bank 2 oy ichida to‘lovlarni taqsimlash tartibini ishlab chiqadi. Bu o‘zgarish kredit bozorining shaffofligini oshirish va moliyaviy tizim barqarorligini ta’minlashga qaratilgan.
