Yangi tartibga ko‘ra, 22-apreldan boshlab mobil ilovalar va bank kartalaridan foydalanuvchining telefon raqami uning shaxsiy identifikatsiya raqami (JSHSHIR) bilan mos bo‘lishi shart bo‘ladi. Agar moslik aniqlanmasa, foydalanuvchi ilovaga ro‘yxatdan o‘tish yoki bank kartasini biriktirish imkoniyatini yo‘qotadi, bu haqda SMS-xabarnoma yuboriladi.
Shu sababli, agar foydalanuvchining hozirgi raqami uning nomida bo‘lmasa, uni rasmiylashtirish yoki ilova va bank kartalarini o‘z nomidagi raqamga qayta biriktirish tavsiya etiladi. Bu o‘zgarish hisoblarning xavfsizligini ta’minlash va xizmatlardan uzluksiz foydalanishni kafolatlashga qaratilgan.
