Sariosiyo tumani hokimi Odiljon Yaqubov “Bo‘yrapusht” mahallasidagi bo‘sh obyekt negizida tadbirkorlikni rivojlantirish va yangi ish o‘rinlarini yaratish masalalari yuzasidan tadbirkorlar bilan uchrashuv o‘tkazdi.
Uchrashuvda investitsion loyihalar muhokama qilinib, hududda ishlab chiqarish, xizmat ko‘rsatish va savdo yo‘nalishlarida yangi loyihalarni amalga oshirish imkoniyatlari ko‘rib chiqildi. Tadbirkorlar takliflari tinglanib, muammolarni bartaraf etish va loyihalarni qo‘llab-quvvatlash bo‘yicha aniq topshiriqlar berildi.
Mazkur tashabbus orqali bo‘sh obyektlardan samarali foydalanish, aholi bandligini oshirish va hudud iqtisodiy salohiyatini rivojlantirish maqsad qilinmoqda.
