Xalq deputatlari Surxondaryo viloyati Kengashining navbatdagi sessiyasida fuqarolarning yer uchastkalari va undagi bino-inshootlarga bo‘lgan mulk huquqlarini e’tirof etish masalasi ko‘rib chiqildi.
Sessiya qaroriga ko‘ra, jami 1 168 nafar fuqaroning huquqlari qonuniylashtirildi. Shu tariqa, mulkiy nizolar, meros masalalari va mulk bilan bog‘liq boshqa muammolarga barqaror yechim topiladi.
Hozirgi kungacha viloyatda jami 7 676 nafar fuqaroning mulk huquqlari e’tirof etilgan bo‘lib, bu ishlar izchil davom ettirilmoqda. Qaror aholi kayfiyatini oshirib, ijtimoiy barqarorlikni mustahkamlashga xizmat qiladi.
