O‘quvchi qizlar o‘rtasida futbol bo‘yicha o‘tkazilayotgan “Maktabgacha va maktab ta’limi vaziri kubogi” musobaqasi qizg‘in pallaga kirmoqda. Ayni vaqtda bahslarning saralash uchrashuvlariga start berildi hamda jamoalar belgilangan qur’a natijalari asosida futbol o‘yinlarida qatnashmoqda.
Uchrashuvlar boshlanishi oldidan davlat madhiyasi yangradi, shuningdek, jamoalarning belgilangan tartib asosida tayyorgarlik holati yana bir bor ko‘zdan kechirildi.
Saralash bahslari Qoraqalpog‘iston Respublikasi, Bo‘zatov tumani, 10-maktab jamoasi hamda Sirdaryo viloyati, Guliston shahar, 5-maktab jamoalari o‘rtasidagi o‘zaro uchrashuv bilan boshlandi. Mazkur o‘yinlar natijalariga ko‘ra, Boysun tumanining 30-maktab jamoasi — Qashqadaryo viloyati, Gʻuzor tumani, 53-maktabining futbolchi qizlari ustidan 1:0 hisobda g‘oliblikni qo‘lga kiritdi va keying bosqichga ishtirok etadigan bo‘ldi.
