Qumqo‘rg‘on tumanida muborak Ramazon oyi munosabati bilan xayrli va savobli tadbirlar davom etmoqda.
Prezidentimiz tashabbusi hamda O‘zbekiston Respublikasi Tashqi ishlar vazirligi homiyligida tumanda iftorlik tadbiri tashkil etildi. Unda nuroniy otaxon-onaxonlar, ehtiyojmand oilalar, mahalla faollari va jamoatchilik vakillari ishtirok etdi. Tadbir davomida Ramazon oyining insonlar o‘rtasida mehr-oqibat, saxovat va bag‘rikenglik tuyg‘ularini mustahkamlashdagi ahamiyati alohida ta’kidlandi.
Iftorlik dasturxonida yurtimiz tinchligi, xalqimiz farovonligi hamda jamiyatdagi birlik va hamjihatlik mustahkam bo‘lishi tilab ezgu duolar qilindi.
Mazkur tadbirlar jamiyatda inson qadrini ulug‘lash, mehr-muruvvat va saxovat kabi ezgu qadriyatlarni yanada mustahkamlashga xizmat qilmoqda.
