Qumqo‘rg‘on tumanida Navro‘z umumxalq bayrami shukuhi hukm surmoqda. Bayram munosabati bilan mahallalarda doshqozonlar o‘rnatilib, sumalaklar qaynatilmoqda, milliy taomlar tayyorlanib, xalqimizning qadimiy an’analari davom ettirilmoqda.
Sumalak atrofida jam bo‘lgan yurtdoshlarimiz ezgu tilaklar bildirib, Navro‘zning fayzu barakasi, totuvlik va hamjihatlik ruhini yanada mustahkamlashmoqda.
Bu kabi bayramona tadbirlar xalqimizni yanada birlashtirib, qadriyatlarimizga bo‘lgan hurmatni kuchaytirib, Navro‘zning chinakam xalq bayrami ekanini yana bir bor namoyon etmoqda.
