Yurtimizda keng ko‘lamli bunyodkorlik va obodonlashtirish ishlari izchil davom etmoqda. Mazkur ezgu tashabbuslar doirasida Bandixon tumanining barcha mahallalarida hashar ishlari uyushqoqlik bilan tashkil etildi.
Xususan, tumandagi “Bahoriston” mahallasida bir guruh faol fuqarolar tashabbusi bilan qariyb 800 metr masofadagi ariqda tozalash ishlari olib borildi. Shuningdek, ariqning 200 metr qismi betonlanib, hududning yanada ko‘rkam tus olishiga xizmat qildi.
Bunday sa’y-harakatlar mahallalarda sanitariya holatini yaxshilash, infratuzilmani mustahkamlash hamda aholi uchun yanada qulay va obod muhit yaratishda muhim ahamiyat kasb etmoqda.
