Surxondaryo viloyatida xotin-qizlar faolligini oshirish, ularning ijtimoiy-ma’naviy hayotdagi rolini kuchaytirish maqsadida “Orzulardan – maqsadgacha!” nomli motivatsion uchrashuv bo‘lib o‘tdi. Tadbir Surxondaryo viloyati Oila va xotin-qizlar boshqarmasi tashabbusi bilan tashkil etildi.
Uchrashuvni boshqarma boshlig‘i Z. Xidirova ochib berib, ayollarni qo‘llab-quvvatlash, erta tug‘ruq va huquqbuzarliklarning oldini olish bugungi kunning dolzarb vazifalaridan biri ekanini ta’kidladi.
Tadbirda rahbar ayollar, iqtidorli qizlar hamda ijtimoiy ko‘makka muhtoj xotin-qizlar ishtirok etib, motivatsion ma’ruzalar, ochiq muloqot va tajriba almashishlar orqali shaxsiy rivojlanish, mustahkam hayotiy pozitsiya va aniq maqsad sari intilish g‘oyalari ilgari surildi. Uchrashuv ayollarni jamiyat hayotida yanada faol bo‘lishga undashi bilan ahamiyatlidir.
