Surxondaryo viloyatiga Boshqirdiston Respublikasi tashqi iqtisodiy aloqalar va kongress faoliyati vaziri Margarita Bolycheva boshchiligidagi delegatsiya tashrif buyurdi. Tashrif hududning investitsiyaviy salohiyatini oshirish va savdo-iqtisodiy aloqalarni kengaytirishga qaratildi.
Mehmonlar Termiz shahridagi “Motamsaro ona” monumenti poyiga gul qo‘yib, hurmat bajo keltirdi hamda Airitom Free Zonedagi biznes muhiti, infratuzilma va investorlar uchun yaratilgan imtiyozlar bilan tanishdi.
Muzokaralarda savdo-iqtisodiy hamkorlikni rivojlantirish, logistika va sanoat kooperatsiyasi, qo‘shma investitsiya loyihalarini amalga oshirish masalalari muhokama qilinib, hududlararo sheriklikni mustahkamlash bo‘yicha kelishuvlarga erishildi. Tashrif Surxondaryoning xalqaro maydondagi o‘rnini yanada mustahkamlashga xizmat qiladi.
