Termiz shahrida dzyudo sport turi bo‘yicha o‘smirlar o‘rtasida viloyat chempionati bo‘lib o‘tdi. Musobaqa Termiz olimpiya va paralimpiya sport turlariga tayyorlash markazida tashkil etilib, unda viloyatning barcha hududlaridan kelgan yosh sportchilar ishtirok etdi.
Bellashuvlar qizg‘in va murosasiz kechib, ishtirokchilar o‘zlarining texnik mahorati va jismoniy tayyorgarligini namoyon etishdi. Chempionat dzyudo sportini ommalashtirish hamda iqtidorli yoshlarni aniqlash maqsadida o‘tkazildi.
Musobaqa yakunida g‘olib va sovrindorlar diplom va medallar bilan taqdirlandi.
