Muborak Ramazon oyi arafasida Qumqo‘rg‘on tumanida obodonlashtirish va ekologik holatni yaxshilashga qaratilgan ishlar jadallashdi. Tuman hokimi Farrux Xoliqov topshirig‘iga asosan M41 xalqaro avtomobil yo‘li bo‘yida keng ko‘lamli tozalash va tartibga keltirish ishlari amalga oshirilmoqda.
Jarayonda yo‘l yoqalari tozalanib, yashil hududlar parvarish qilinmoqda, daraxt va butalar holati yaxshilanib, hududning estetik ko‘rinishiga alohida e’tibor qaratilmoqda. Shuningdek, “Yashil makon” loyihasi doirasida dala chetlariga tut ko‘chatlari ekilib, oqlash ishlari olib borilmoqda.
Mazkur tadbirlar ekologik muhitni yaxshilash, hududni chang va shamoldan himoyalash hamda aholi va mehmonlar uchun ozoda, qulay muhit yaratishda muhim ahamiyat kasb etmoqda.
