Surxondaryo viloyatida “SMM AI Savodxon” o‘quv kursining navbatdagi bitiruvchilariga sertifikatlar topshirildi. Loyiha OAV uchun kontent tayyorlash markazi, AT “Aloqabank” va “Mayoq Academy” hamkorligida tashkil etildi.
Olti haftalik o‘quv kursi davomida yoshlar SMM va sun’iy intellekt asosida kontent yaratish, ijtimoiy tarmoqlarda marketing yuritish hamda raqamli ko‘nikmalarni amaliyotda qo‘llash bo‘yicha bilimlarga ega bo‘ldilar. Mazkur loyiha yoshlarning zamonaviy kasblarga qiziqishini oshirish va raqamli iqtisodiyotga mos kadrlar tayyorlashga xizmat qilmoqda.
Ayni paytda kursning ikkinchi mavsumi davom etmoqda bo‘lib, mashg‘ulotlar onlayn va oflayn formatda, mutlaqo bepul tashkil etilmoqda.
