Sariosiyo tuman Elektr ta’minoti korxonasi tomonidan hududlarda yuzaga kelayotgan nosozlik va avariyali holatlarni tezkor bartaraf etish bo‘yicha manzilli choralar ko‘rilmoqda. Mazkur ishlar elektr ta’minotining uzluksizligini ta’minlash va aholi uchun qulay sharoit yaratishga qaratilgan.
Xususan, Sarijar mahallasidagi TP-408 transformatoridagi nosozliklar bartaraf etildi. Shuningdek, Nurbuloq mahallasida elektr ta’minotidagi muammolar, Nilu mahallasida esa yuqori kuchlanish liniyasidagi nosozliklar to‘liq bartaraf etildi.
Amalga oshirilayotgan ushbu tezkor ishlar hududlarda elektr ta’minotining barqarorligini mustahkamlash hamda aholining kundalik ehtiyojlarini uzluksiz ta’minlashga xizmat qilmoqda.
