Denov tumani hokimi Anvar Normamatov boshchiligida mas’ul tashkilotlar va mahalla faollari ishtirokida ehtiyojmand oilalar bilan manzilli ishlar olib borilmoqda. Xatlov jarayonida aniqlangan oilalarning ijtimoiy-iqtisodiy holati chuqur o‘rganilib, har bir oila bo‘yicha individual reja ishlab chiqilmoqda.
Ishlar doirasida aholi bandligini ta’minlash, daromad manbalarini yaratish, kasb-hunarga yo‘naltirish, tadbirkorlikni yo‘lga qo‘yish uchun imtiyozli kredit va subsidiyalar ajratishga alohida e’tibor qaratilmoqda. Shuningdek, ijtimoiy himoyaga muhtoj oilalarni qo‘llab-quvvatlash choralari ko‘rilmoqda.
Mazkur sa’y-harakatlar aholining turmush darajasini oshirish hamda kambag‘allikni qisqartirishga xizmat qilmoqda.
