Buxoro davlat universitetida respublika miqyosida o‘tkazilgan ko‘rik-tanlovlar g‘oliblarini taqdirlash marosimi bo‘lib o‘tdi. Unda ta’lim va ma’naviy-ma’rifiy yo‘nalishlarda faoliyat yuritayotgan ilg‘or mutaxassislar munosib e’tirof etildi.
Faxr bilan ma’lum qilamiz, Termiz davlat universiteti O‘zbek filologiyasi fakulteti tyutori Jamshid Nazarov “Eng yaxshi tyutor” nominatsiyasi bo‘yicha respublika g‘olibi deb topildi hamda Vazirlikning diplom va sertifikatlari bilan taqdirlandi.
Ushbu yutuq Termiz davlat universitetida ta’lim sifatini oshirish, talaba-yoshlar bilan ishlash tizimini yanada takomillashtirish hamda fidoyi pedagoglar mehnatini munosib qadrlashga qaratilgan islohotlarning samarali natijasi ekanini yana bir bor tasdiqlaydi.
