Surxondaryo viloyati hokimi Ulug‘bek Qosimov Jarqo‘rg‘on tumanida o‘tkazilgan yig‘ilishdan so‘ng videokonferensiya aloqasi orqali shahar va tumanlarning kirish qismlarida ramziy inshootlar — stellalar qurilishi masalalarini muhokama qildi.
Unda mas’ullar tomonidan qurilish maydonlarida olib borilayotgan ishlar, loyihalarning ijrosi hamda hududlarda amalga oshirilayotgan turizmga oid loyihalarning holati yuzasidan axborot berildi. Ushbu tashabbuslar hududlarning qiyofasini yaxshilash, sayyohlar uchun jozibador muhit yaratish va turizm salohiyatini oshirishda muhim ahamiyat kasb etishi ta’kidlandi.
Viloyat hokimi stellalar qurilishini tasdiqlangan loyihalar asosida, shaharsozlik va qurilish talablariga qat’iy rioya qilgan holda sifatli amalga oshirish bo‘yicha mas’ullarga aniq vazifalar belgilab berdi.
