Davlatimiz rahbari topshiriqlariga muvofiq, hududlardagi bozorlarni raqamlashtirish orqali savdoni tartibli, xavfsiz va shaffof tashkil etish bo‘yicha izchil ishlar olib borilmoqda.
Surxondaryo viloyati hokimi Ulug‘bek Qosimov Jarqo‘rg‘on tumani dehqon va oziq-ovqat bozorida raqamlashtirish vazifalari ijrosi bilan tanishdi. Mas’ullar tomonidan loyiha doirasida amalga oshirilgan ishlar, joriy etilgan raqamli tizimlar natijasida erishilgan ko‘rsatkichlar hamda tushumlar dinamikasi haqida ma’lumot berildi.
Shuningdek, bozordagi savdo sharoitlari, sanitar-epidemiologik holat va tartibli savdoning tashkil etilishi ko‘zdan kechirildi. Viloyat hokimi raqamlashtirish jarayonlarini jadallashtirish, bozor va unga tutash hududlarda videokuzatuv tizimini to‘liq joriy etish hamda sotuvchi va xaridorlar uchun xavfsiz savdo muhitini ta’minlash yuzasidan mas’ullarga aniq topshiriqlar berdi.
