Bandixon tumanida O‘zbekiston Respublikasi Prezidentining 2022-yil 1-martdagi PQ–149-sonli qaroriga muvofiq, mehnat migratsiyasiga ketgan fuqarolarning farzandlarini qo‘llab-quvvatlash bo‘yicha tizimli ishlar amalga oshirilmoqda.
Bolalarning ta’lim olishi, bo‘sh vaqtini mazmunli va quvonchli tashkil etish, iqtidorlarini rivojlantirish hamda ijtimoiy-psixologik qo‘llab-quvvatlashga qaratilgan madaniy-ma’rifiy tadbirlar muntazam o‘tkazib kelinmoqda.
Shu doirada Bandixon tumani 9-sonli madaniyat markazida tashkil etilgan navbatdagi tadbir bolalarga ko‘tarinki kayfiyat, quvonch va iliq taassurotlar ulashdi. Tadbir davomida bolalarning yuzida quvonch, qalbida esa ishonch va xursandchilik mujassam bo‘ldi.
