“Yoshlar turizm haftaligi” doirasidagi reja asosida joriy yilning 7-yanvar kuni Sherobod tumanidagi 56-umumta’lim maktabining 9–10-sinf o‘quvchilari ishtirokida mazmunli sayohat tashkil etildi.
Sayohatning asosiy maqsadi o‘quvchilarning qishki ta’til davrini samarali o‘tkazish, “O‘zbekiston bo‘ylab sayohat qil” shiori ostida ularda Vatanga muhabbat va milliy qadriyatlarga hurmat tuyg‘ularini mustahkamlashdan iborat bo‘ldi.
Sayohat davomida o‘quvchilar Termiz shahridagi “Vatanparvarlar bog‘i” hamda Termiz arxeologiya muzeyiga tashrif buyurib, yurtimiz tarixi, madaniy merosi va Vatan himoyachilariga oid ekspozitsiyalar bilan yaqindan tanishdilar.
Mazkur sayohat o‘quvchilarning dunyoqarashini kengaytirish va bo‘sh vaqtini mazmunli tashkil etishda muhim ahamiyat kasb etdi.
