Jarqo‘rg‘on tumanidagi “Jar Judo Center” klubida yaponiyalik tajribali murabbiy, 5-DAN qora belbog‘ sohibi, xalqaro litsenziyaga ega ustoz Junna Kikuchi tomonidan yosh dzyudochilarga master-klass mahorat saboqlari olib borilmoqda.
Ushbu mashg‘ulotlar TOPSTTM hamda tuman sport maktabining dzyudo trenerlari hamkorligida tashkil etilmoqda. Mashg‘ulotlar davomida yosh sportchilar yapon dzyudo maktabining ilg‘or texnikalari, jangovar tajriba va amaliy ko‘nikmalarni o‘zlashtirmoqda.
Bunday mahorat saboqlari yosh dzyudochilarning sport mahoratini oshirish va kelgusida yuqori natijalarga erishishida muhim ahamiyat kasb etadi.
