Surxondaryo viloyatida 2026-yil hosili uchun boshoqli don ekinlarini ekish ishlari jadal sur’atlarda davom etmoqda. Viloyat hokimi Ulug‘bek Qosimov Jarqo‘rg‘on, Qumqo‘rg‘on, Sho‘rchi, Denov, Sariosiyo va Uzun tumanlarida bo‘lib, g‘alla urug‘larini ekish jarayonlari ijrosini o‘rgandi.
Oʻrganish davomida tuman rahbarlari va mutasaddilarning urug‘ ekish, sug‘orish va agrotexnik tadbirlarning o‘z vaqtida hamda sifatli bajarilishi bo‘yicha hisobotlari tinglandi.
Shuningdek, hokim “Taraqqiyot va yetakchilik maskani” dasturi doirasida og‘ir mahallalarda amalga oshirilayotgan infratuzilma ishlarini ham ko‘zdan kechirdi. Mazkur yo‘nalishda amalga oshirilayotgan chora-tadbirlarni jadallashtirish bo‘yicha topshiriqlar berildi.
