Norvegiyaning 1X Technologies kompaniyasi kundalik uy ishlarini bajarishga qodir ilk shaxsiy robot — NEO ni taqdim etdi.
Robot narsalarni joylashtirish, tozalash, eshik ochish va foydalanuvchi bilan muloqot qilish kabi vazifalarni bajaradi. U sun’iy intellekt, kompyuter ko‘rish tizimi va ovozli boshqaruv funksiyalariga ega.
Bo‘yi 1,68 m, og‘irligi 30 kg, yuk ko‘tarish quvvati 25 kg bo‘lgan NEO narxi 20 ming AQSH dollari, obuna varianti esa oyiga 499 dollar. Sotuvlar 2026-yilda AQShda boshlanadi.
