Qoraqalpoq xalqining milliy san’atini, udumlarini dastur sifatida olib chiqdik — deydi “Miras” folklor etnografik ansamblining yana bir a’zosi Go‘zal Bektemirova. — Bir necha jamoalar orasidan bizga ishonch bildirib, g‘alaba qozonib, uzoq Taxtako‘pir tumanidan ilk marotaba mana shunday festivalda ishtirok etayotganimiz biz uchun o‘ta hayajonli. O‘z an’analarimiz tarannum etilgan chiqishlarimiz, “Jezde minen baldizning aytisi” “Kelinning betini ashing” singari milliy folklor qo‘shiqlarimiz bilan dasturimizni boyitgan edik. Bu aytishuvlar xalqimizning ruhiyati, turmush madaniyatini o‘zida aks ettiradi.
Tomoshabinlar esa Padang kengliklarida ilk bora jarang sochayotgan “Miras” talqinidagi qoraqalpoq ohanglarini, uning serjilo raqslarini, quvnoq aytishuvlarini gulduros olqishlar bilan qarshi olishdi.
Dildora Otaqulova
